Friday, April 2, 2010

قالوا : كفر الرئيس؟ قلت وعياله

قالوا : كفر الرئيس؟


قالوا : كفر الرئيس؟

قلت وعياله

يرفض حقوق الإله

والشرع وكماله

يرفض أصول الديانة

وشايلها من باله

للغرب قطة مشمشى

والشرق سجداله

يضرب بإيد من حديد

والظلم أحواله

يقطع رقاب الرافضين

والمرحومين أنصاره

يـانـاس يـاخلـق يـاهـــو

يالمُلّا ورجاله

مين يشترى الشهادة

بحسنى وعياله ؟

يامصر إبنك بيصرخ

والأرض شهداله

فرعون بأرض الكنانة

والدنيا سكتاله!!

قالوا : شايخ مريض

معدودة أيامه

مشيا فى جسمه الحصاوى

والعلة دايماله

يومين تلاتة ويرحل

والبركة فى عياله


قلت : أكيد عقلكوا هَوّا

ولا الهوا هَوّالُه!

إيه يفرق بين الرئيس

ومراته وعياله؟!!

قالوا : كفر الرئيس؟

والدنيا سكتاله؟

ياناس يا أهل البلد

مين يرتضى حاله

قالوا : كفر الرئيس ؟

قلت وعياله ,,

كتبه / أبو زياد المصرى
وليد عبد الحكيم


No comments:

Post a Comment